VOV4.M’nông: Kêng măng 15/6, tâm rơh rƀŭn trực tuyến Kruanh n’gâng kan neh dak ăp dak ASEAN tal 15 (ADMM-15) hŏ geh rơh tâm mâp mô na nê̆ đah Kruanh n’gâng kan neh dak ASEAN-Trung Quốc. Kruanh N’gâng kan Việt Nam-Thượng tướng Phan Văn Giang, Kruanh N’gâng kan neh dak nơm râng rƀŭn. Ntoh nau ta nar rƀŭn, Thượng thướng Phan Văn Giang rnê prêhh nau kan bah Trung Quốc ndrel tâm boh neh dak-rnă njrăng đah ASEAN-Trung Quốc.

Rơh rlau aơ, ngăn lah tâm rơh rƀŭn Kruanh n’gâng kan ASEAN pơk hvi (ADMM+) ndrel tâm nchră tâm nkuăl ASEAN. Mpeh nau kan Biển Đông, Kruanh n’gâng kan neh dak Phan Văn Giang đă ăp ding ân pơk trong ân nơih ueh ân nau tâm nchră ndrôm nau ƀư kan ta Biển Đông (COC) ngăn lah nchră nau ndâk nau tâm rnơm, nau nkân ăp nau kan, der nau ƀư jêr, rklaih ăp nau đah trong tâm nchră, nsing tâm luật pháp lam ntur neh, tâm nê geh nau tâm ton bah Liên hợp quốc mpeh Luật dak lêng năm 1982./.

Nŭih rblang: H’Thi