VOV4.M’nông -  Đặc phái viên Nga râng tâm nchră hạt nhân Iran, Mikhail Ulyanov an gĭt, Rwăch tâm nchră hạt nhân tal 8 ta Viên (Ao) ƀư jêh rơh rlu năm mhe, đah trong ƀư ăp rơh rƀŭn mô na nê̆. Tĭng Đặc phái viên Nga, Rwăch tâm nchră rơh aơ dơi năl lah geh nău jăch n’hanh khlay gay kơl tâm ton hạt nhân Iran năm 2015. Ntơm tâm nchră lĕ pơk ăp nău mbơh uĕh n’hanh dôl tĭng trong uĕh lơn. Jêh rơh rƀŭn bah Ủy ban hỗn hợp đah Iran n’hanh 5 dak lah Nga, Anh, Đức, Trung Quốc n’hanh Pháp, ăp di lĕ tâm ban ŭch ntrôl ngăch nchih rgum nău tâm ton tâm ăp rmôt pah kan. Rwăch aơ nchrăp mbra lah rwăch n’glêh dŭt n’hanh ăp ding nchrăp jêh tâm nchră ta khay 2/2022.

Nuĭh rblang: Y Sưng Phê Ja