VOV4.Mnông- Ôi nar 10-10, bơi tât 25 rkeh nuĭh Iraq tŏng nău dơi hăn nklăch phiếu tâm ăp rơh săch kruanh Quốc hội ơm tâm rnôk nău rnă njrăng geh mât jăp. Rlău 3 rbăn ứng cử viên mbra geh tâm rlong ta 329 nău kan tâm Quốc hội. Thủ tướng Iraq Mustafa Al-Kazemi lah ngoăy tâm ăp nuĭh bôk năp geh nklăch phiếu ta rơh săch kan lập pháp n’hanh nkoch mbơh aơ lah njoat hăn dŭt khlăy tâm nău rêh mhe bâh Iraq Ủy ban săch kruanh Iraq kuăl đă nuĭh ƀon lan nklăch phiếu n’hanh an gĭt ăp nău nchrăp kan lĕ lôch tâm du ntŭk đăp mpăn. Ủy ban rnă njrăng gâl têh mpeh săch kruanh ta Iraq lĕ geh uănh năl mât đăp mpăn rnă njrăng n’hanh ueh an rơh săch kruanh đah nău tâm rgop bâh mpôl tahen n’hanh mpôl njrăng ƀư rlăng.

Nuĭh rblang: Thị Đoắt