VOV4.M’nông: Thủ tướng Chính phủ mhe geh si ƀŭt njuăl mpeh nău n'hao dăng ăp trong nkra đăp mpăn njrăng, n'gang nuh srê Covid-19. Tâm nê, Thủ tướng đă Kruanh Ủy ban nhân dân ăp n'gor, nkual ƀon têh mpeh Trung ương, ăp Bộ trưởng, Kruanh nhih pah kan tâm ban Bộ, nhih pah kan mpeh Chính phủ mbơh tay jru hvi  n'hanh tĭng ƀư jăp ăp nău rđău đă bah Bộ Chính trị, Ban Bí thư, Chính phủ, Thủ tướng Chính phủ, Ban rđău đă gưl neh dak njrăng, n'gang nuh srê COVID-19 n'hanh ăp trong ntĭm nti, quy định mpeh njrăng, n'gang nuh srê bah Bộ Y tế đah nuih n'hâm lor nchrăp, lĕ n'hâm suan, dăng , ngăn ngăn n'hanh geh nău tam gay tât rnoh dơi kan ndrop. Tĭng ƀư jăp ăp trong nkra nking nchăng, ban saơ, an gŭ ngai êng, nchih gĭt ntŭk nuh srê, nsrôih săm bah. Lơn lah  njrăng tĭng ƀư ăp quy định mpeh an gŭ srang ngai êng; dêr bah mpă wêl lam hvi bah dih, mƀơk lhoi tâm trôm; ân ƀư jăp nău pă an ndơ ngêt sa n'hanh ndơ dŏng khlay an nuĭh ƀon lan tâm trôm ntŭk gŭ rgum êng, ntŭk mpă wêl, gŭ srang ngai rêh jêng kon nuĭh. Dŏng ăp trong njrăng, n'gang nuh srê nchâp đă đah lĕ rngôch ăp nuĭh sĭt bah nkual nuh srê tĭng di quy định.

Nuĭh rblang: Điểu Thân