VOV4.M'nông: Tĭng Bộ Y tế Singapore, rnoh nuĭh ntưp Covid-19 mhe nar 26/9 ta dak dja lah 1.939 nuĭh tâm ƀon lan, rnoh hôm ƀa ƀă lah ăp nuĭh ntưp tâm nkual nuĭh lăp gŭ kan. Dŭt njrăng, lơn âk nuĭh ntưp mhe ta dak dja lah ăp nuĭh hŏ tă chuh vaccine n'hanh mô mpơl ji n'hanh lah mpơl ji đêt. Ăp nuĭh ntưp Covid-19 mpơl ji đê̆  ta Singapore mbra dơi gŭ săm êng ta jay. Singapore lah ngoăy tâm ăp dak geh rnoh chuh n'gang dŭt âk lam ntŭr neh đah 82% rnoh nuĭh rlău 12 năm deh hŏ dơi chuh vaccine. Mpôl kan dak dja an gĭt, rnoh nuĭh ntưp Covid-19 ăp nar ta Singapore mbra hao tât 3000 nuĭh ăp nar tâm pơh tât. Ta năp nô nău ntưp rêng ngăch bah nuh srê, ntơm bah nar 27/9 mpôl mât uănh nău kan Singapore hŏ ntơm êt lhăt nău kan nsum mpôl./.

Nuĭh rblang: Điểu Thân