VOV4.M’nông: Kruanh n’gâng kan nchră nau Singapore wa Vi-vi-an Ba-la-kít-nan mhe geh rơh tâm mâp đah nŭih ndrel gưl kan bah Mỹ Antonio Blinken. Ta rơh tâm mâp, lĕ bar ding kŏ ntoh nau rvê ngăn mpeh nau geh kŏ kơt lah nau rŭng răng ta Myanmar. Kruanh n’gâng kan nchră nau Singapore mbơh, nau dôl ach o dôl ma hao âk, nau rŭng rtăng chính trị jêh nau tât tâm bôk khay 2 mhe rlau ta Myanmar lah nau rvê ngăn bah Mỹ ndrel Singapore. Yơn lah, wa Ba-la-kít-nan ân lah, ăp nau nsôih bah nsum mpôl lam ntur neh mô tŏng ma nau kan dăch dŭt ân geh nkre ta Myanmar. Kruanh n’gâng kan Singapore ân gĭt tay, ASEAN rnôk aơ dôl ma nsôih kơl an Myanmar, ăp dak ASEAN dôl kâp nŭih ƀư nau kan geh dơi tâm mâp kan đah ăp ding gay dơi kơl an pơk trong nơih ân ăp rmôt tâm nchră nau. Yơn lah, wa Ba-la-kits-nan ntoh nau rvê mra mô geh nau kan ngăch ndrel nơih ân ăp nau kan ta Myanmar./.

Nŭih rblang: H’Thi