VOV4.Mnông-Ăp nuĭh kan têh bâh Singapore nar 5/1 mbơh lor, nău tâm ntưp rêng yor srê rgâl săk Omicron ƀư geh âk nău dơi mbra ntưp ngăch lơn đah Delta ta năp nĕ. Wa Kenneth Mak- Giám đốc dịch vụ y tế bâh n’gâng kan dak si Singapore an gĭt, rgâl săk delta tâm rnôk ntưp rêng ngăch mbra geh rnoh ntưp dŭt âk klâp ma 5 rbăn nuĭh tâm du nar, tâm rnôk nĕ Omicron mbra rlău đah rnoh aơ đah 10 rbăn tât 15 rbăn ăp nar tâm nău tât mô ueh. Rnoh aơ ntưp tĭng pơh bâh dak aơ geh 1,09% ta nar bar, dŭt âk tâm 2 khay ba năp, an saơ rnoh nuĭh ntưp srê Covid-19 mhe ăp pơh ta nrtŭk aơ dôl hao. ăp nuĭh kan têh an gĭt rnôk nar pe, nău nuh srê Covid-19 hôm nha dơi njrăng n’hanh mbra geh mât ăp nău dơi bah tâm mâp đah Covid-19 aƀaơ, kơt lah mô an rgum rlău 5 nuĭh n’hanh nchrăp mbra jŏ tât lôch têt Nguyên đán.

Nuĭh rblang: Thị Đoắt