VOV4.M’nông: Tâm du nău nsrôih nking nchăng n’hoch nu^h ntrơn du tât Tây Âu ma trong hăn bah Balkans, Slovenia ho\ n’hao rlău 1.000 tahen tât n’har bri ăp dak kiău ma mpeh bah dâng lah Croatia gay nkra nău hang rbăn nu^h dôl joi trong hăn rlău n’har bri mô geh nău way lăp tâm châu Âu. Thủ tướng Slovenia Janez Janša an g^t ntơm bah khay 3 dak dja ho\ rgum mpôl tahen tât n’har bri gay nking nchăng n’hoch nu^h lăp gu\ mô geh nău way ta nkual dja. Tổng cục Cảnh sát neh dak Slovenia an g^t, tâm 5 khay bôk năm, cảnh sát ho\ ban nhu\p 3.100 nu^h nchuăt rlău n’har bri mô geh nău way ta dak dja. Lơn âk ăp nu^h ntrơn du hăn t^ng trong njônh ngai ta nkual n’har bri tâm măng ngo gay bah nhih pah kan dơi kan ban saơ./.  

Nu^h nchih rblang: Điểu Thân