VOV4.M’nông: Ăp ntŭk nklăch phiếu ân rơh săch kan Tổng thống ta Syria pơk ntơm bah ôi 26/5 ân cử tri hăn săch. Rơh săch kan năm aơ geh tay 2 nŭih êng Tổng thống Syria Assad. Nau tă geh bah rơh săch kan geh mbơh tâm 48 mông jêh rnôk lôch rơh nklăch phiếu. Bộ nội vụ Syria mbơh, rlau 18 rkeh nŭih tŏng nau dơi nklăch phiếu tâm ăp nkuăl bah Syria ndrel bah dih neh dak. Aơ lah rơh tal bar Syria ƀư săch kan Tổng thống kơp ntơm ntoh luh nau tâm lơh tâm năm 20211 tât rnôk aơ. Rnă njrăng hŏ mât ân ueh oi gay ma mât đăp mpăn ân nar săch kan, hôm nŭih ƀon lan Syria, đah n’ha phiếu tâm ty, dôl ma ŭch tâm du nau kan ueh lơn. Tâm 51 nŭih đăng ký săch, Quốc hội hŏ săch luh 3 nŭih ân geh săch Tổng thống gay ma cử tri leo săch, geh Tổng thống dôl kan Bashar al Assad, Kruanh n’gâng kan ơm Abdullah Saloum Abdullah ndrel rđau kan nŏng êng Mặt trận Dân chủ Mahmoud Marei./.

Nŭih rblang: H’Thi