VOV4.M’nông: Ăp ntŭk nklăch phiếu an rơh bầu cử Tổng thống ta Syria hŏ pơk mpông ntơm bah ôi ntri 26-5, an cử tri hăn sơch. Ăp ntŭk nklăch phiếu hŏ pơk mpông tâm rnôk 7h ôi tĭng mông ta ntŭk n'hanh mbra ƀư tay tât 7h măng ndrel nar. Kêng dŭt mbra dơi mbơh tâm 48 mông bah kơi lôch rnôk dŭt jêh rơh nklăch phiếu. Bộ Nội vụ Syria an gĭt, rlău 18 rkeh nuĭh tŏng nău dơi nklăch phiếu ta lĕ rngôch ăp ntŭk bah Syria n'hanh bah dih neh dak. Aơ lah rơh tâl bar Syria ƀư rơh bầu cử tổng thống kơp ntơm bah rnôk ntoh tâm lơh tâm su ndrăng nơm tâm tâm năm 2011 tât aơ tay. Pe nuĭh dâk tâm rlong tâm rơh bầu cử Tổng thống rơh dja. Nău lah an rơh tâm rlong bah ăp nuĭh dâk tâm rlong n'hanh lah Tổng thống Bashar al-Assad, 55 năm deh, lah nău mpŏng dơi pah kan, plơ̆ njêng tay neh dak. Bar hê dâk tâm rlong Tổng thống lah Bộ trưởng Ngoại giao ơm, Abdullah Salloum Abdullah n'hanh luật sư Mahmoud Mari mpeh mpôl dâk lơh./.

Nuĭh rblang: Điểu Thân