VOV4.M’nông: Njêng săk Delta dôl ƀư nô nău nuh srê Covid-19 ta âk dak jêng krit nji lơn. Tă bah nuh srê ntưp rêng lam hvi tay, nuĭh mât uănh nău kan Singapore plơ̆ đă mpăn tay ăp trong kan. Tĭng nê, kơp ntơm bah nar 22/7, ăp nău kan bah dih mô dơi rgum rlău 2 hê nuĭh. Ăp jay ngêt sa, lĕ ma bah dih n'hanh tâm trôm jay, dơi an tăch ndơ ndjôt sĭt dơm. Ta Thái Lan, ntơm bah nar ntri (20-7), nuĭh ƀon lan ta nkual thủ đô Bangkok n'hanh 12 n'gor mpeh nkual mbơh njrăng lor hô mpăng rsong hăn đah ăp n'gor dŭt đêt tâm 14 nar. N'gâng kan Thái Lan hŏ n'glêh an ntĭl tay âk mpông tăch ndơ ntơm bah nar 20-7 n'hanh n'hŭch ndeh rhŏ dŏng nsum. Nuĭh ƀon lan dơi đă gŭ tâm jay lah mô geh nkô̆ khlay kơt hăn săm ji, chuh vaccine mô lah hăn kan. Tâm rnôk nê, ta Hàn Quốc, njêng săk Delta hôm ntưp rêng dŭt ngăch đŏng, âk 76% rnoh nuĭh ntưp tâm lam ƀon lan./. 

Nuĭh rblang: Điểu Thân