VOV4.M’nông – Tăch n’gluh ndơ ngêt sa n’hanh dak ngêt bah Anh an Liên minh châu Âu lĕ hŭch bơi n’gul tâm 3 khay năm aơ nkôp đah rơh aơ năm e. Ăp ntil ndơ bah Anh tăch n’gluh an EU hŭch 47%. Nău hŭch dŭt âk lah yor ăp nău rgâl tâm ăp tâm ton tăch n’gâl jêh Brexit n’hanh du gâl yor srê Covid-19. Tâm boh tăch rgâl đah Ai-len, ntŭk tăch têh ngăn bah Anh, geh khuch hô ngăn. Tăch n’gluh hŭch rlău 70%, n’hanh tăch n’gluh an Đức, Tây Ban Nha n’hanh Italia hŭch n’gul. Tâm âk rach năm, Anh lĕ tăch âk ndơ sông sa n’hanh ndơ ngêt an EU rlău nkôp đah hôm ƀa ƀă bah lam ntŭr neh ntop tay. Nău hŭch tăch rgâl ƀư Anh khuch hô. Anh rklaih luh EU bah nar 1/2/2020. Tât khay 1/2021, lôch lvang rgâl tay jêh Brexit, dak Anh an tĭng lĕ rngôch ăp nău ntrŭnh bah châu Âu.

Nuĭh rblang: Y Sưng Phê Ja