VOV4.M’nông – N’gâng kan mât njrăng bri dak Australia uănh năl mbra đă tàu tâm lơh râng nti tahen dak lêng ta ăp nkual dak lêng ta Ấn Độ Dương-Thái Bình Dương đah tahen dak lêng bah ăp dak kan ndrel tâm rmôt kôp 4 (Quad), geh Mỹ, Nhật Bản n’hanh Ấn Độ râng rơh nti Balabar 2021. Australia mbra đă tàu tâm lơh lah ngoay tâm 8 khinh hạm lớp bah dak aơ râng ăp nkô̆ nău nti tahen dơi ƀư ta nkual tâm dak lêng ndru dak lêng Quad bah Mỹ. Tâm nău mbơh báo chí bah N’gâng kan mât njrăng bri dak Australia lah rjăp nău Australia râng rơh nti tahen âk ding Malabar 2021 mbra nâp nâl nău rgop nsum bah dak aơ an rnă njrăng bah nkual Ấn Độ Dương-Thái Bình Dương. Australia mbra ƀa ƀơ tâm rgop đah Mỹ, Nhật Bản n’hanh Ấn Độ gay nâp nâl an nkual Ấn Độ Dương-Thái Bình Dương pơk hvi rgum lăp nsum n’hanh nâp dăng.

Nuĭh rblang: Y Sưng Phê Ja