VOV4.M’nông – Gay ntop kơl nuĭh ƀon lan tâm nar ƀư tĭng tâm srang kon nuĭh njrăng n’gang srê Covid-19, N’gâng kan ntĭm rđău Tahen n’gor Dak Nông lĕ ƀư ăp ndrơng ndơ “mô sŏk prăk” ta ăp ntŭk ƀư nkhah êng kơl nuĭh ƀon lan rlet rlău jêr jŏt. Lĕ geh rlău 500 rnăk tâm nkual nchăng n’gang, nkhah êng geh ndrơng ndơ “mô sŏk prăk” ntop kơl ăp ndơ dŏng đah rnoh rlău 350 rkeh prăk.

Nuĭh ƀon lan tât sŏk ndơ sông sa, ndơ dŏng n’hanh ăp ndơ khlay ta ndrơng ndơ “mô sŏk prăk” bah Ban ntĭm rđău tahen nkuăl Dak Mil

Ta năp nu nău srê Covid-19 hôm e jêr jŏt, N’gâng kan ntĭm rđău tahen n’gor Dak Nông kuăl jă ăp nuĭh lŏng bôk tôr hăn ndrel tay đah ndrơng ndơ “mô sŏk prăk” tĭng trong way ƀư nuĭh ŭch tât sŏk, nuĭh rmeh tât ntop kơl gay kơl kônh wa đăp mpăn njrăng n’gang srê.

Nŭih rblang: Y Sưng Phê Ja