VOV4.Mnông – Ôi 1/6, N’gâng kan mât njrăng bri dak ƀư Rƀŭn nchră pơk sŏng dăng lam tahen mbơh ƀư nău kan, trong mkra ndal njrăng n’gang srê Covid-19 tâm tahen tât 187 ntŭk ƀoh. Rơh srê tal 4 aơ, ăp ntŭk tahen lĕ ntop n’hao rlău 1.000 nuĭh ntop kơl ntŭk srê Bắc Ninh n’hanh Bắc Giang, tâm nĕ rmôt uănh năl mham hăn ăp ntŭk n’hanh 43 rmôt sŏk mham dơi đă. Ta Bắc Ninh, Bắc Giang, N’gâng kan mât njrăng bri dak lĕ ƀư 3 ngih dak si rdâng săm ji Covid-19, lĕ wơt dơn săm 641 nuĭh ji. Bah bôk năm tât aƀaơ, ăp quân khu, Bộ tư lệnh ăp n’gor nkual ƀon têh mĭn ƀư ăp trong njrăng n’gang n’hanh ntop kơl ăp ntŭk njrăng n’gang srê. N’gâng kan mât njrăng bri dak aƀaơ dôl mât 1.906 rmôt kâp njrăng đah rlău 12.800 nuĭh gay uănh nđôi n’har bri, nking n’gang luh lăp mô tâm di. Bah bôk khay 5 tât aƀaơ, ăp rmôt kâp njrăng, uănh nđôi n’har bri lĕ rdêng an ƀon lan nkhah êng bơi 5.000 nuĭh, tâm nĕ saơ rlău 1.800 nuĭh lăp mô tâm di, dŭt âk ta trong n’har bri Campuchia n’hanh Trung Quốc.

 Nuĭh rblang: Y Sưng Phê Ja