VOV4.M’nông: Tổng thống Joe Biden mbơh, nau kan bah tahen Mỹ ta Afghanistan mra lôch tâm lơ 31/8 tât, kuăl jă ăp rđau kan Afganistan tâm rnglăp gay rdâng nau tâm lơh tâm dak ndrel leo ntrong neh dak ân ueh lơn. Tổng thống Joe Biden kŏ ân lah nau rhuăt bah tahen ân geh đăp mpăn rnôk Mỹ joi trong nsrŭng nau tâm lơh jong bơi tât 20 năm ta Afganistan. Mỹ mô tât Afganistan gay ma ndâk neh dak yơn Mỹ mra mô nsrŭng nau ton lah kơl an Afghanistan ndâk tay đăp mpăn ndrel nâp nâl, kơl an pă nau leo kơl an ndơ ngêt sa nau rêh ndrel rnă njrăng ân neh dak aơ. Wa Joe Biden kŏ dun lơi nau ân lah Mỹ ndơn nau mpeh ăp nŭih Afghanistan khĭt tâm rơh tâm lơh./.

Nŭih rblang: H’Thi