VOV4.M’nông – Tahen Myanmar mhe mbơh mpeh nău ndâk njêng du chính phủ gay ƀĭt joet neh dak an tât rnôk rơh săch têh tay dơi ƀư tâm năm 2023. Tổng tư lệnh tahen Myanmar, Thống tướng Min Aung Hliang mbra dơn nău ƀư Thủ tướng bah chính phủ manh kan. Kơp bah khay 2 tât aƀaơ, Myanmar dơi ƀĭt joet yor Hội đồng tahen jêh nău mâp chính trị geh rnôk chính phủ bah Đảng yor wa San Suu Kyi djôt bôk geh rlơt n’glưh. Tâm nău mbơh dơi pơk nar 1/8, nuĭh djôt bôk chính phủ manh kan bah Myanmar an gĭt, mbra ntơm ƀư rơh săch mhe mbrơi ngăn tâm khay 8 năm 2023, jêh rnôk nu nău ndal ta dak aơ jŏ 2 năm lĕ lôch tam. Hội đồng tahen bah Myanmar khay bah năp lĕ mbơh  jăng lơi jêh săch bah năp nĕ dơi ƀư tâm khay 11 năm 2020 tâm nĕ, Liên minh Ngih dak yor Ƀon lan ƀư tơm bah wa San Suu Kyi dơi geh âk nsưng tâm lĕ 2 viện bâh Quốc hội n’hanh dơi ndâk njêng chính phủ.

Nuĭh rblang: Y Sưng Phê Ja