VOV4.M’nông – Bộ Tư lệnh Tahen n’har bri mhe geh săm ƀŭt njuăl ăp ntŭk kan tâm Bộ Tư lệnh n’hanh N’gâng kan ntĭm rđau tahen n’har bri ăp n’gor trong n’har bri rhăt jăp tay trong kan, uănh nđôi ta trong n’har bri neh kơh gay njrăng n’gang srê Covid-19.

Tư lệnh Tahen n’har bri hăn uănh nđôi ntŭk n’har bri mpeh Bắc

Tĭng nĕ, đă rmôt tahen n’har bri ta ăp ntŭk tâm rgop rjăp đah n’gâng kan ntrôl dăng lam ƀon lan njrăng ăp nuĭh luh lăp mô tâm di hăn Việt Nam yor thủ tướng Chính phủ rgŏ đă: rgŏ jă lĕ trong chính trị, lam ƀon lan ƀư tĭng du trong lĕ rngôch, lam hvi, têh dăng, săk rnglăy lơn tâm trong kan njrăng n’gang srê, đăp mpăn mât njrăng bri dak, rnăk njrăng lam kon nuĭh tâm nkual n’har bri. Nsrôih ƀư ăp nău kan, gĭt nu nău n’hanh nchroh mbơh di nu nău; mât uănh rjăp ntŭk ntô, nuĭh, ăp trong ƀư ndơ̆ nuĭh luh lăp mô tâm di rlău n’har bri gay ndâk ƀư trong nchrăp nău kan, rgum lăp ăp bôk nău kan, rchăng n’gang geh săk rnglăy, đăp mpăn ăp ntil.

Nŭih rblang: Y Sưng Phê Ja