VOV4.M'nông: Thứ trưởng Bộ Thông tin n'hanh Văn hóa Afghanistan wa Mu-da-hin lah rjăp, ăp nău nkol ma ăp dak lam ntŭr neh ndơ̆ luh gay kơp dơn Chính  phủ mhe ta Afghanistan lah "mô tâm di" đah mpôl kan Taliban. Mbrô ƀoh rup Sky News Arabia nar 23/9 leo nău wa Mu-da-hin ơh tâm du rơh ôp năl lah, tâm rnôk aƀaơ, Mpôl tahen Taliban mô hŏ dơn lĕ rngôch ăp nău nkol gay kơp dơn Chính phủ mhe ta Afghanistan tă bah ăp dak lam ntŭr neh ndơ̆ luh, nsing tâm trong rƀŏng "tâm uănh nsum", nkre njuăl nău mbơh gĭt lor ntrŭt ntrôl Liên Hợp Quốc ơm joi luh "nău ngơi nsum" tâm trong tâm boh. Yơn, păng lah rjăp, lĕ rngôch ăp nău klach rvê bah ăp dak lam ntŭr neh geh tât ăp nuĭh way mât uănh nău kan mhe bah Afghanistan mbrơi dơi nkra tâm let năp tay da dê./.

Nuĭh rblang: Điểu Thân