VOV4.M’nông: Du rmôt kan bah Taliban mra râng tâm nchră mpeh Afghanistan yor Nga ƀư tơm, nchrăp mra geh tâm Mát-xơ-va tâm lơ 20/10. Mpeh rmôt kan yor Áp-đul Xa-lam Ha-na-phi, Groi Thủ tướng Chính phủ ƀư nau kan rnôk aơ bah Afghanistan leo bôk. Tĭng nau mbơh bah Taliban, rmôt aơ mra geh ăp nau tâm nchră đah ntoh măt bah ăp dak geh tât ăp nau kan 2 ding ndrel uănh khlay tâm rơh rlau aơ ta Mát-xcơ-va. Tĭng nau mbơh bah Nga Sputnik, aơ lah nau kan geh tâm nchră 6 ding đah ăp ntoh măt bah Nga, Afghnaistan, Trung Quốc, Pakistan, Iran ndrel Ấn Độ. Bah năp nê, nŭih ntoh ngơi bah N’gâng kan nchră nau Nga Ma-ri-a Da-kha-ro-va mbơh, Nga ŭch Taliban mra đă du rmôt kan têh tât râng ăp nau tâm nchră mpeh nau kan bah Afghanistan tâm pơh tât./.

Nŭih rblang: H’Thi