VOV4.M’nông: Rmôt kan Taliban mhe geh rơh mâp đah N’gâng kan dak Anh rơh bôk năp kơp ntơm rnôk hao ƀư nau kan ta Afghanistan. Tĭng ăp n’gâng kan nchră nau Anh, bar ding hŏ geh nau tâm nchră khlay mpeh âk nau kan kơp ntơm nau rŭng răng nau kơl an, nau ƀư rlăng tât nau khlay bah nau đăp mpăn hăn ro ân nŭih ƀon lan bah Anh ndrel Afghanistan kŏ kơt lah nau dơi bah bu ur ndrel kon se bu ur. Yơn lah, tât rnôk aơ, Anh hôm ê geh nau kơp dơn n’gâng kan mhe bah Taliban. Tâm du nau ton lah êng, Taliban ton mra ndâk nau tâm boh ueh đah ăp dak ndrel rgâl ma nê ŭch nsum mpôl lam ntur neh ndâk tay tơm prăk bah neh dak. Bah năp nê tâm bôk pơh, Taliban kŏ mâp du rmôt tă bah dak tâm dăch nơm Iran gay ma rgâl nau kan tăch rgâl bah bar dak./.

Nŭih rblang: H’Thi