VOV4.M’nông – Văn phòng Chính phủ mhe an nău mbơh nar 7/11/2021 n’glôn jêh bah Groi Thủ tướng Vũ Đức Đam, ta rơh rƀŭn trực tuyến đah ăp n’gor Tây Nam Bộ n’hanh Tây Nguyên mpeh trong kan njrăng n’gang srê Covid-19. Jêh rnôk djăt nău mbơh bah ăp ntŭk, nău rgop ntoh ngơi bah kruanh N’gâng kan dak si, N’gâng kan Công an, Rmôt pah kan bah Chính phủ n’hanh ăp nuĭh ntoh măt râng rƀŭn, Groi Thủ tướng Vũ Đức Đam đă N’gâng kan dak si ndăn ƀư tâm pă, ntĭm rđău chuh vaccine ta ăp ntŭk nkual Nam Bộ n’hanh Tây Nguyên, tŏng ăp lĕ nglay 1 tâm 5 nar an nuĭh rlău 18 năm deh; an ơm chuh nglay 2, tŏng; chuh an kon se 12-17 năm deh. N’gâng kan dak si, N’gâng kan mât njrăng bri dak ƀư rmôt ntop kơl chuh ngăch ngăn. N’gâng kan dak si ntĭm na nê̆, tŏng ăp dak si gay săm ơm bôk năp dâl ăp nuĭh F0 gay n’hŭch đêt ngăn rgâl mbăn, khĭt nuĭh.

Nuĭh rblang: Y Sưng Phê Ja