VOV4.Mnông- Ntoh ngơi tâm nar rƀŭn nchră tal 2 bâh rơh rƀŭn nchră tal prăm rơh rƀŭn nchră ƀon lan gâl têh khóa 14 nĕ lah Quốc hội Triều Tiên, wa Kim Jong Un an gĭt, Triều Tiên mbra plơ̆ tâm nchră tay ăp nău ndal bar dak bâh ntơm bôk khay 10, kơt lah du gâl tâm nău nsrôih ƀư tĭng nău ŭch rŏng n’hanh nău rŏng bâh ƀon lan ŭch ơm geh rgâl mhe nău tâm boh bar dak aƀaơ n’hanh đăp mpăn jŏ jong mbra tât ta gôl dak Triều Tiên”. Tĭng nău mbơh bâh ntŭk kan mbơh nău mhe Trung ương Triều Tiên KCNA, wa Kim Jong Un lah tay na nê̆ ăp nău đă dơn ngoăy ma dak aơ geh ndơ̆ mbơh an lah, ê lor geh mbơh bah nău tâm lơh tâm su, Hàn Quốc an geh rgâl nău mĭn, rhoăt tay ăp nău mĭn kan n’hanh nău kơl kan tâm rkeh gay ma mât đăp mpăn tâm ryơk ndrel. Nkre lah an gĭt, aơ lah nău têh khlăy an geh doh rklaih lor gay ma rgâl ueh mhe nău tâm boh bar dak n’hanh pơk luh du trong ueh mhe tâm nău rêh let năp tay.

Nuĭh rblang: Thị Đoắt