VOV4.M’nông: Tâm dâl nău way ăp năm gưl Thứ trưởng Ngoại giao ASEAN-Hàn Quốc tâl 25 hŏ dơi ƀư nar 6/7, tĭng trong ƀư pơk sŏng dăng. Ta rnôk tâm nchră, ASEAN n'hanh Hàn Quốc rnê âk ăp nău hun hao uĕh tâm boh bar ding tâm bah ri aơ nơh, lĕ ma nău tâm boh kan nsum rdâng lơh geh nău tam đah nuh srê, tâm rsong tăch rgâl đah bar ding tâm 4 khay bôk năm 2021. Thứ trưởng Ngoại giao Hàn Quốc lah rjăp uănh khlay tâm boh têh dơi jŏ jong ASEAN. Hàn Quốc mbơh hŏ rgop tay 200 rkeh đôlar an nău way COVAX AMC ntop kơl pă an vaccine an ăp dak ach o n'hanh dôl hun hao, nkre lah rjăp ntop kơl tay ASEAN rdâng lơh đah nuh srê. Ăp dak ASEAN lah uĕh nău ntop kơl năn ngăch n'hanh geh nău tam bah Hàn Quốc tâm rdâng lơh nuh srê COVID-19 tâm bah ri aơ, lĕ ma nău Hàn Quốc hŏ rgop 1 rkeh đôlar an prăk nkrem ASEAN rdâng lơh đah COVID-19, nkre đă Hàn Quốc ntop kơl ASEAN tât dơi vaccine đăp mpăn, tâm ban n'hanh geh nău tam./.

Nuĭh rblang: Điểu Thân