VOV4.M'nông: Bộ trưởng Ngoại giao Việt Nam Bùi Thanh Sơn nar ntri (6/8) râng n'hanh lah ta rơh Tâm nchră Bộ trưởng tâm boh Mê Kông- Nhật Bản tâl 14 tĭng trong pơk sŏng dăng. Ta rnôk tâm nchră, ăp Bộ trưởng rnê âk nău ntop kơl bah Nhật Bản an ăp dak Mê Kông, lơn lah tâm rơh rdâng lơh nuh srê Covid-19 n'hanh kơp dơn ăp nău dơi tam bah tâm boh an ƀư trong kan têh jong Tokyo, Uănh ngai hun hao công nghiệp Mê Kông 2.0, Nău mĭn mhe Mê Kông- Nhật Bản mpeh ăp rnoh tât hun hao jŏ jong rƀŏng tât năm 2030. Lah ta rnôk tâm nchră, Bộ trưởng Ngoại giao Bùi Thanh Sơn lah rjăp bol ma tâm năm rlău aơ nuh srê tât krit nji, ăp dak Mê Kông n'hanh Nhật Bản hôm mât kơt ơm ăp rơh hop gưl têh n'hanh ăp nău way tâm boh bar ding, âk ding khlay. Mpeh trong rƀŏng tâm boh, Bộ trưởng Bùi Thanh Sơn an lah ăp dak ân ƀư lor bar rnoh tât kan khlay lah mât kân dơi lĕ rngôch nuh srê n'hanh dâk hao tay jâng wăng sa nkrum lam, nâp dăng./.

Nuĭh rblang: Điểu Thân