VOV4.M’nông: Tâm bôk nau kan kơt tĭng nar rnăk vâl Việt Nam, ôi aơ 28/6, Trung ương rmôt kan bu ur Việt Nam tâm rgop nsum đah ntŭk kan mĭn njêng Rnăk vâl ndrel kon nŭih, Viện Hàn lâm khoa học xã hội Việt Nam ƀư tâm nchră khoa học neh dak “Ndŏ luh nau ntrŭnh Đại hội 13 lăp tâm nau rêh: Bun dăp ndrel rnoh khlay Rnăk vâl Việt Nam-Ndơn saơ ndrel ntrong kan”. Ta nar tâm nchră, ntoh măt ăp n’gâng kan, ntŭk kan, ăp nŭih kan tâm nau kan bah rnăk vâl ndrel ma kon nŭih, tâm nchră nau tă geh bah mĭn khoa học ndrel nau ƀư nau kan ngăn mpeh ăp nau khlay bah rnăk vâl Việt Nam, mĭn njêng nchŏng luh ăp nau kan ueh khlay bah rnăk vâl, tâm ban ma nau ŭch, nau dơi bah bu ur kŏ tâm ban ma nau kan bah Rmôt bu ur Việt Nam. Nkre lah, đă, mbơh ăp nau kan tâm nau rgŏ jă rnăk vâl đah ăp nau kan n’hêl gay tâm di gay ntrŭnh tâm rơh tât. Rơh tâm nchră geh ƀư tĭng nau kan trực tiếp tâm Hà Nội ndrel trực tuyến tâm lam dak mpeh nau geh dơi SureMeet./.

Nŭih rblang: H’Thi