VOV4.Mnông-Nar 30/12, lĕ geh ƀư rơh tâm nchră đah Tổng thống Mỹ Joe Biden n’hanh tổng thống Nga Putin. Tĭng nău mbơh bâh nuĭh ntoh nău ngơi Hội đồng rnă njrăng ngih dak Emily Horne, bar hê tổng thống lĕ tâm nchră mpeh âk ăp bôk nău, geh ăp rơh tâm nchră rnă njrăng tât tay đah ăp dak n’hanh nău duh jêrr ta châu Âu, tâm ban kơt ăp nău tâm ton nchră nău đah dak bah dih tât tay đah Nga. Tâm rnôk nĕ, tĭng du hê nuĭh kan têh Mỹ, bar dak dôl tâm rnôk geh nău duh jêr n’hanh an geh nău tât râng kan ta ăp gâl kan gay ma doh rklaih nău n’hanh joi trong n’huch nău duh jêr. Nuĭh kan têh aơ lĕ an gĭt, ăp rơh tâm nchră aơ yor Tổng thống Nga Putin lĕ đă n’hanh lĕ geh Tổng thống Biden ŭch. Tổng thống Biden lĕ geh nău nchrăp an ăp rơh tâm nchră bar ding nchrăp geh đah mỹ n’hanh Nga nchrăp ta nar 10/1 năm tay.

Nuĭh rblang: Thị Đoắt