VOV4.M’nông: Nar ntri (5/7) tĭng mông ta ntŭk, Kruanh Trung Quốc Tập Cận Bình ndrel đah Thủ tướng Đức Angela Merkel  n'hanh Tổng thống Pháp Emanuel Macron hŏ ƀư rơh tâm nchră gưl têh pơk sŏng dăng. Ta rnôk tâm nchră pe kruanh rđău kan lah rjăp tay nău khlay tâm boh đah Trung Quốc n'hanh EU tâm nău rdâng lơh đah ăp ntul rlong lam ntŭr neh aƀaơ. Thủ tướng Đức lah rjăp, ăp kruanh rđău kan bah Đức, Pháp  n'hanh Trung Quốc mât nău tâm dâl dŭt khlay. Mpeh bah nơm, Đức mbra n'hao dăng tâm boh n'hanh kan nsum đah Trung Quốc gay ntrŭt ntrôl ƀư njêng n'hanh tâm pă vaccine du trong geh nău tâm ban, n'hao dăng tâm boh tâm nău rdâk jêng tay jâng wăng sa n'hanh rsong hăn đah nuĭh kan bar dak. Tổng thống Pháp ŭch rŏng mbra ntrŭt ntrôl tay tâm boh đah Trung Quốc du trong ngăn ngăn, kơl nău ký ton ntuh kơl EU- Trung Quốc, n'hao dăng tâm nđŭr ƀon lan n'hanh tâm nđŭr văn hoá nkre rhơn rnê ăp công ty Trung Quốc ntuh kơl tâm Pháp./.

Nuĭh rblang: Điểu Thân