VOV4.M'nông: Tâm nar tâl 2 ƀư Tâm nchră gưl têh doanh nghiệp APEC, Thủ tướng New Zealand nhanh Thủ tướng Đức mpŏng lah da dê ăp nău tă ơm gĭt bah nuh srê mbra dơi dŏng tâm rnôk lam ntŭr neh rdâng lơh geh nău tam lơn đah rgâl duh nđik trôk nar. Nău lah ta rnôk tâm nchră gưl têh doanh nghiệp APEC, Thủ tướng New Zealand Jacinda Ardern n'hanh Thủ tướng Đức Angela Merkel an gĭt, nuh srê Covid-19 dôl an tay âk nău tă ơm gĭt nti khlay mpeh suan dăng rgum tâm rdâng lơh đah nău tât krit nji. Thủ tướng New Zealand Jacinda Ardern an gĭt, "rnôk nuh srê ntoh luh, ăp dak saơ da dê nău khlay bah nău tâm pă nău lư, dŏng ntêr lĕ ăp trong kan n'hanh nti bên di du trong an ngăch. Đah rgâl duh nđik trôk nar, aơ lah nkô̆ nău nsum lam ntŭr neh jêng ân geh trong rdâng lơh nsum. Tâm nê Đức, dak mô di lăp kan nsum APEC yơn ton mbra tâm boh ndrel đah ăp jâng wăng sa nsum APEC gay geh ăp nău rgâl tâm rdâng lơh đah rgâl duh nđik trôk nar./.

Nuĭh rblang: Điểu Thân