VOV4.M’nông: Tâm nchră gưl têh Liên minh châu Âu (EU) ƀư tâm bar nar 24-25/5 ta thủ đô Brúc-xen (Brussel), Bỉ hŏ rgum tâm nchră mpeh tâm boh bah mpôl đah Nga, Anh ta năp nău tât krit nji mhe aơ. Rlău ma nê, tâm nchră tâm rkhăch tay mpeh ăp nkô̆ nău ntul rlong lam ntŭr neh đŏng kơt nuh srê Covid-19, rgâl duh nđik trôk nar n'hanh du đêt nkô̆ nău khlay êng ƀa ƀă. Tĭng mpôl kruanh Châu Âu, ta năp nău ƀư lhăt mhe aơ bah Nga, mpôl dja mbra tâm nchră mpeh tâm boh đah Nga tĭng nuih n'hâm 5 nău way rƀŏng tât tâm boh bar ding. Mpeh tâm boh đah Anh, mpôl dja mĭn lah, Anh ân uănh khlay nău way mô tâm nkhah êng đah ăp dak lăp kan nsum lôch rnôk Hiệp định tâm boh n'hanh tăch rgâl đah bar ding geh nău tam ntơm bah nar 01/05 mhe aơ. Mpeh rgâl duh nđik trôk nar, mpôl kruanh Châu Âu dơi mpŏng mbra ndơ̆ luh rnoh koh n'hŭch n'huk djơh jay bil gay dơi tât rnoh tâm ton koh n'hŭch 55% tâm kêng dŭt rach năm dja./.

Nuĭh rblang: Điểu Thân