VOV4. M’nông: Nar 14/4, Nuĭh ntơh ngơi Văn phòng Tổng thống Nga Dmitry Peskov an gĭt, rơh mâp gưl têh Nga- Mỹ đah Tổng thống Vladimir Putin n'hanh nuĭh ndrel gưl kan Mỹ Joe Biden mbra nsing tâm ăp njuat hăn bơi tât bah Mỹ- hôr mpeh ăp nău rmal bah Mỹ ntrŏng tâm Nga. Tĭng wa Peskov đŏng, rơh tâm mâp gưl têh kơt nê̆ hŏ dơi đă ƀư ta du dak châu Âu, yơn bar ding mô hŏ dơi sơch đŏng. Tĭng mpeh Nga, aƀaơ hôm dŭt ơm gay nkoch mpeh rơh tâm mâp n'hanh mô hŏ geh du nău nchrăp an du rơh tâm mâp kơt nê̆ ơm. Ndrel nar, nuĭh tă ơm gĭt kan nsŏng kơl trong kan tâm boh dak bah dih bah Tổng thống Nga, wa Yuri Ushakov, hŏ jă Đại sứ Mỹ ta Nga- wa John Sullivan tât tâm nchră; lah rjăp Nga mbra "rlăch dun ngăn" đah ăp nău kan "mô dêh bên" bah Mỹ, lĕ ma ăp nău ntrŭnh rmal./.

Nuĭh rblang: Điểu Thân