VOV4.M'nông: Tâm trôm bôk nău kan Tâm nchră Bộ trưởng Ngoại giao ASEAN tâl 54 (AMM-54) n'hanh ăp Tâm nchră geh tât, kêng măng 2/8 hŏ ƀư Tâm nchră Hội đồng nsum mpôl Chính trị-Rnă njrăng ASEAN. Bộ trưởng Ngoại giao Bùi Thanh Sơn leo mpôl ntơh măt Việt Nam râng tâm nchră. Rgum tơm bah tâm nchră rơh dja lah ôp uănh tay ăp tŏng lam lĕ rngôch nău kan bah ăp nhih pah kan way rnâng kan tâm n'gâng tơm chính trị- rnă njrăng n'hanh rnoh ngăch an ƀư trong nchrăp rgum lam lĕ rngôch nsum mpôl Chính trị-Rnă njrăng ASEAN 2025. Lah ta rơh tâm nchră, Bộ trưởng Bùi Thanh Sơn lah rjăp tâm rnôk lam ntŭr neh n'hanh nkual tâm rdâng đah âk ntul rlong, lơn lah nău ntoh  luh bah nuh srê Covid-19, lor khlay bôk năp ASEAN ân n'hao dăng tâm boh chính trị-rnă njrăng gay đăp mpăn ntŭk gŭ rêh bah tâm lơh tâm su, rnă njrăng n'hanh đăp mpăn; aơ lah ndơ ân dơi nkra lor bôk năp gay rdâng lơh tam nuh srê, ntrŭt ntrôl dâk hao tay n'hanh mât rnoh ngăch hun hao ta nkual./.

Nuĭh rblang: Điểu Thân