VOV4.M'nông: Ta Hà Nội, Đại tướng Phan Văn Giang, Ủy viên Bộ Chính trị, Groi bí thư Quân ủy Trung ương, Bộ trưởng Bộ Quốc phòng, ƀư tơm tâm nchră Kruanh rđău kan Bộ Quốc phòng khay 7 năm 2021. Lah ta rơh tâm nchră, Đại tướng Phan Văn Giang Bộ trưởng Bộ Quốc phòng lah rjăp gay an tĭng ƀư n'hanh lôch jêh nău kan tâm khay 8 lam tahen ân rgum ăp nău nsrôih, tĭng ƀư geh nău tam du đêt nău kan tơm khlay. Mbơh gĭt jru hvi tay, tĭng ƀư jăp ăp nău rđău đă bah Trung ương, n'hao dăng ăp trong njrăng, n'gang nuh srê Covid-19. Lam tahen lor nchrăp tâm rgop kan nsum geh nău tam đah ăp n'gor, rgum tơm lah nkual ƀon têh Hồ Chí Minh n'hanh ăp n'gor mpeh bah dâng tâm trong njrăng n'gang nuh srê Covid-19, tâm nê uănh khlay mât đăp mpăn an ăp mpôl râng. Ăp nhih pah kan dơi kan rđău đă lam tahen leo ƀư tiăr nti an ăp nuĭh kan lhăt, săk blău, đăp mpăn, tâm di đah nău tât bah nuh srê Covid-19; uănh khlay rđău đă ăp rmôt sơch hăn râng tâm rlong ta Army Games 2021 geh nău dơi an dŭt âk./.

Nuĭh rblang: Điểu Thân