VOV4.M'nông: Ôi 9/11, ta Hà Nội, Ban Kinh tế Trung ương ƀư tâm nchră way nkô̆ "Nău mĭn mhe n'hanh trong tât mhe mpeh Công nghiệp mhe- uĕh mhe neh dak tât năm 2030 uănh ngai tât năm 2045". Tâm nchră rgum rblang, tâm pă mpeh ăp nkô̆ nău tâm rnôk n'hanh ăp trong rƀŏng têh mpeh  Công nghiệp mhe- uĕh mhe neh dak lam ntŭr neh n'hanh nkual, ntơm bah nê năl săk n'hanh ndơ̆ luh yơn nău mĭn n'hanh trong tât mpeh Công nghiệp mhe- uĕh mhe, kơt nti công nghệ, trong kơl kan công nghiệp lam ntŭr neh, nău tă ơm gĭt kan an Việt Nam tâm ban kơt ăp nău tă ơm gĭt kan dak bah dih mpeh ntơm njêng nău kan n'hanh rgâl mhe njêng săk mpơl dâk hao tay bah kơi nuh srê Covid-19; nkrum lam si ƀŭt mbơh mpeh hun hao công nghiệp 2020 n'hanh ăp nău rblang, dăn đă trong kơl an Việt Nam, lơn lah tâm trong kan công nghiệp nkret njêng, ntrŭp ƀư; trong tâm pă tơm ndơ gay n'hao săk geh an jâng wăng sa, ntrŭt ntrôl an rnôk hao tât Công nghiệp mhe- uĕh mhe neh dak./.

Nuĭh rblang: Điểu Thân