VOV4.M’nông: Nau tâm nchra ưnau tâm ban ân ăp rơh (GEF) hŏ ntơm geh ƀư ta Thủ đô Paris, Pháp đah nau kơl an tât râng bah âk rhiăng nŭih ntoh măt ăp dak. Aơ lah nau kan khlay ngăn bah Liên hợp quốc kơp ntơm năm 1995 tât rnôk aơ geh tât nau ƀư nau tâm ton mpeh nau tâm ban lam ntur neh. 40 rmen đola Mỹ lah nau ton bah du rmôt têh ngăn tă bah ntơm sa ơm tât rnôk aơ bah âk dak gay ma kơl an ân nau ntrŭt dăng nau tâm ban bu ur bu klô lam ntur neh. Ta rơh tâm nchră, ăp ntoh măt nkah tât “Nau nchrăp n’hao ngăch lơn lam ntur neh” mpeh nau tâm ban bu ur bu klô geh tât nau dơi 6 nkô̆: Njrăng, rdâng nau tâm lơh tâm nau geh bah bu ur bu klô, nau văng sa bah bu ur, nau dơi mpeh săk jăn, n’hâm soan deh nse; Bu ur pah kan yor trôk nar, Nau kan ndrel nau blau mhe mpeh nau tâm ban bu ur bu klô, ăp nau kan bu ur ƀư ndrel nau rđau kan bah bu ur. Ăp rmôt kan pah kan tâm ban bu ur bu klô geh ntơm ndâk ăp nau kan ngăn gay ma ƀư tâm 5 năm tât./.

Nŭih rblang: H’Thi