VOV4.M'nông: Bộ trưởng Tài chính Rmôt 7 dak wăng sa hun hao dâk bôk năp lam ntŭr  neh (G7) mbra rgum hop pơk sŏng dăng tâm nar 13/12 tât ta Liverpool, Anh gay tâm nchră mpeh âk nkô̆ nău têh bah mpôl n'hanh lam ntŭr neh. Aơ mbra lah rơh mâp n'glĕ dŭt bah G7 tă bah Anh ƀư kruanh lor rnôk dơi pleh rgâl an Đức ƀư kruanh tâm năm tât. Bôk nău kan nchrăp lor mbra rgum lơn âk tâm ăp nkô̆ nău wăng sa kơt hao khlay ndơ, dak si lam ntŭr neh n'hanh duh nđik trôk nar. Hao khlay ndơ dơi uănh lah nkô̆ nău têh bah lam ntŭr neh lah nsum n'hanh G7 lah êng tâm rnôk aƀaơ rnôk nău ŭch geh âk tâm rnôk rêng pă an geh tât khuch tă bah nuh srê. Tĭng uănh năl bah ăp nuĭh rblang uănh năl, rnoh hao khlay ndơ hao âk mbra hôm ntoch jong tât năm 2022 tât./.

Nuĭh rblang: Điểu Thân