VOV4.M’nông: Nar 5/5, ta Anh, Ngoại trưởng rmôt 7 dak công nghiệp dâk bôk năp lam ntŭr neh– G7 rgum hop tay gay nchrăp an rơh hop gưl têh bah Rmôt tâm khay 6 tât. Tâm 2 nar rlău aơ, ăp rơh hop hŏ rgum tâm nchră âk nkô̆ nău jăch ndăn lam ntŭr neh, nkre lah rjăp nău tâm rnglăp bah rmôt tâm nău rdâng lơh đah ăp ntul rlong nsum. Bôk nău kan nchrăp lor bah ăp rơh hop dôl rgum tâm rơh rdâng lơh nuh srê Covid-19. Nău dâk hao uĕh tay lôch bah kơi nuh srê têh; ăp nkô̆ nău tâm pit neh ntu chính trị jăch ndăn geh ma nău lơh chrai hêng nău dơi tâm ban, dah rŏng n'hanh nău dơi kon nuĭh; nkô̆ nău jăch ndăn tâm boh đah Nga, Trung Quốc n'hanh Iran, tâm ban kơt rơh duh jêr ta Myanmar, tâm lơh tâm su ta Ethiopia n'hanh ăp rơh tâm lơh dôl geh ta Syria, Libya….

Nuĭh rblang: Điểu Thân