VOV4.M'nông: Ôi 22/11, Thủ tướng Phạm Minh Chính hŏ leo mpôl Việt Nam, ndrel ăp Kruanh rđău kan ASEAN n'hanh Kruanh Trung Quốc Tập Cận Bình râng Tâm nchră pơk sŏng dăng Gưl têh mha êng nkah ndray 30 năm tâm boh tâm dâl ASEAN- Trung Quốc. Lah ta rnôk Tâm nchră, rƀŏng tât let năp tay, Thủ tướng Phạm Minh Chính lah rjăp ASEAN n'hanh Trung Quốc ân rdâk tay nău nsing nơm têh jong n'hanh ntrôl dăng tâm boh lam lĕ rngôch, hao rlău bar tơ̆ nău dơi geh, rƀŏng tât nău dơi tât prêh lơn, ăp nău geh hvi lơn an tâm boh ASEAN- Trung Quốc.

Thủ tướng lah rjăp, kalơ jâng nsing tâm kâng n'har tâm rnglăp, tâm boh way ơm uĕh lăng đah Trung Quốc, Việt Nam mbra nsrôih rgop tay bun dăp an tâm boh ASEAN - Trung Quốc hun hao tât têh jong lam lĕ rngôch, rgop khlay ndrel rdâk tâm boh, n'hao dăng đăp mpăn, rnă njrăng, tâm boh, hun hao nâp dăng ta nkual n'hanh lam ntŭr neh, nsĭt tay nău geh ngăn ngăn an ăp dak n'hanh an hơm răm n'hanh đăp mpăn ăp nuĭh ƀon lan, mô an geh nuĭh ndul êng bah kơi./.

Nuĭh rblang: Điểu Thân