VOV4.M'nông: Kêng măng 24/11, wa Lê Hoài Trung, Ủy viên Trung ương Đảng, Kruanh Ban Đối ngoại Trung ương Đảng cộng sản Việt Nam n'hanh wa Tống Đào, Ủy viên Trung ương Đảng, Kruanh Ban Tâm ôp joi tâm boh dak bah dih Trung ương Đảng Cộng sản Trung Quốc, ndrel ƀư tơm rơh tâm nchră pơk sŏng dăng nkoch mbơh lôch jêh Tâm nchră Trung ương 4 khóa XIII Đảng he n'hanh Tâm nchră Trung ương 6 khóa XIX Đảng Cộng sản Trung Quốc. Ta rơh tâm nchră, wa Lê Hoài Trung lah rjăp Đảng n'hanh Ngih dak Việt Nam way uănh khlay n'hanh nsing nơm an lah, Đảng n'hanh ƀon lan Trung Quốc mbra ndơn tay nău way ơm n'gloh ang, geh tay ăp nău dơi têh kuâng mhe tâm rơh rdâk njêng chủ nghĩa xã hội săk ntơr Trung Quốc. Nkhêp geh rnôk dja, bar ding rnê âk ăp nău uĕh tâm boh bar Đảng, bar dak tâm bah ri aơ; tâm ôp mpeh ăp nău kan tâm boh tâm let năp tay, tâm nê geh nău rdâk njêng tay n'har bri đăp mpăn, tâm rnglăp, hun hao; ntrŭt ntrôl tâm boh, mât kân uĕh nău tâm rkeh ta dak lêng, rgop ndơ̆ tâm boh tâm rnglăp đah bar Đảng, bar dak n'hanh ƀon lan bar dak geh tay ăp nău dơi têh kuâng lơn tâm rơh mhe./.

Nuĭh rblang: Điểu Thân