VOV4.M’nông: Ôi lơ 15/6, ta Hà Nội, N’gâng kan tuch tăm ndrel hun hao ƀon lan tâm rgop nsum đah ntoh măt ăp n’gâng kan: Nchră nau, dak si, Tài nguyên ndrel Môi trường, Công thương, Nchrăp kan ndrel ntuh kơl, Liên hợp quốc ta Việt Nam ndrel ăp dak kan nsum dak ba dih, ăp ntŭk mĭn njêng bah ngih săm ƀŭt Đại học, ăp ntŭk kan tăch rgâl, rmôt kan ndrel ăp ding geh tât, ntŭk ƀư nau tâm nchră tal bôk năp ta Hà Nội. Aơ lah nau kan khlay gay nchrăp ân Việt Nam râng rơh rƀŭn gưl prệ mpeh trong kan ndơ sa dak ngêt bah Liên hợp quốc geh tâm khay 9 năm aơ. Rơh rƀŭn gưl prệ năm 2021 bah Liên hợp quốc gay rƀŏng tât ntrong kan ndơ sa ân geh hun hao lơn, ăp ding lơn ndrel geh nau dơi rdâng tât ueh lơn, njêng luh ăp nau kan gay dơi geh ăp nkô̆ nau hun hao nâp nâl tâm năm 2030. Rơh rƀŭn rgum ăp nau rgop ngăn tâm nkô̆ nau kan geh: đăp mpăn nau dơi geh ndơ sa kloh ndrel tâm ban nau kah lau ân ăp nŭih, rgâl nau leo dŏng tĭng trong ueh ndrel nâp, ntrŭt dăng nau tuch tăm ân tâm du đah ntŭk ntu, n’hao nau tâm ban tâm nau tâm pă mbơh ăp rnoh geh ndrel nau kan, ndâk nau njrăng rdâng bah năp ăp nau khuch ndrel nau tât ndal./.

Nŭih rblang: H’Thi