VOV4.M’nông: Lơ 13/7 hŏ geh nau tâm nchră trực tuyến ASEAN-Canada tal 19. Aơ lah rơh rƀŭn vay ăp khay tâm rnôk tâm boh nchră nau ASEAN-Canada gay tâm nchră ndrel tâm boh kan nsum ASEAN-Canada, tâm nxhră ăp nau kan tâm lam ntur neh ndrel nkuăl ndrel uănh khlay nchrăp nchrăp ân rơh rƀŭn Kruanh n’gâng kan ASEAN-Canada tâm khay 8 tât. Groi kruanh n’gâng kan SOM Canada, Paul Thoppil lah rjăp, ASEAN lah n’gâng tơm bah Canada, du trong uănh khlay nau tâm boh đah ASEAN lah du n’gâng kan tâm nchră dak ba dih bah Canada, ŭch n’hao nau tâm boh ASEAN ndrel râng jru ngăn tâm nau kan tâm boh nkuăl yor ASEAN ƀư tơm gưl prêh Đông Á (EAS). Canada lah rjăp nau kơl an nau kan bah ÁEAN tâm nau kan nkuăl ndrel kơl ngăn ân ASEAN ndâk nkuăl Đông Nam Á đăp mpăn ndrel hun hao nâp nâl. Rơh aơ, Canada đă ƀư gưl prêh nkah 45 năm nau tâm boh kan nsum ASEAN-Canada tâm năm 2022./.

Nŭih rblang: H’Thi