VOV4.M'nông: Ôi 29/10, ta Hà Nội, ƀư Bôk nău kan tâm nđŭr tâm rnglăp druh ndăm Việt Nam- Trung Quốc năm 2021. Râng bôk nău kan, geh ntơh măt kruanh rđău kan Trung ương Đoàn Thanh niên Cộng sản Hồ Chí Minh, Trung ương Đoàn Thanh niên Cộng sản Trung Quốc n'hanh rlău 90 nuĭh ntơh măt druh ndăm, sinh viên, nuĭh tâm boh dak bah dih mom ndăm ntoh lư bah bar dak. Bôk nău kan gay n'hao dăng tâm nđŭr, tâm gĭt wât nsum, rgop ntĭm nti druh ndăm 2 dak mpeh tâm boh tâm rnglăp way ơm Việt Nam – Trung Quốc; lah rjăp nău nsrôih, nău dơn kan n'hanh mât uĕh nău khlay hăn chŏl lor druh ndăm 2 dak tâm ndơn mban, bun dăp tâm rnglăp đah 2 dak. Tâm trôm bôk nău kan, ăp nuĭh ntơh măt druh ndăm ntoh lư Việt Nam – Trung Quốc hŏ tâm ôp nău tă ơm gĭt kan mpeh pah kan Đoàn n'hanh trong leo druh ndăm kon se jê̆, lơn lah tâm rnôk rdâk njêng hăn chŏl lor tâm njrăng, n'gang nuh srê Covid-19 ta ăp dak; nău blău khlay an druh ndăm tâm rnôk lăp rgum dak bah dih aƀaơ./.  

Nuĭh rblang: Điểu Thân