VOV4.M’nông: Ôi lơ 29/6, N’gâng kan soay mbơh rnoh geh văng sa-rêh jêng 6 khay bôk năm. Khlay ngăn, bol ma tâm nrôk geh srê Covid-19 tâm âk nkuăl, yơn rnoh geh bah lam dak (GDP)/ 6 khay bôk năm hôm hao 5,64%. Tâm nrôk nau geh jêng bah lam ntrong kan văng sa tâm n’gul bôk năm aơ, nkuăl ƀon lan, mât rong tui ka, mât njrăng bri geh 3,28% rđil đah năm e. Nua kan tơm prăk, ngân hàng ndrel bảo hiểm geh 9,27%. Nkuăl bư kan công nghiệp ndrel ndâk nkra geh 8,36%. Bol ma tâm rnôk srê nuh khuch tât nau kan tuch tăm, tăch rgâl yơn rnoh đăng kí ndâk mhe tâm 6 khay bôk năm hôm rlau 67 rbăn ntŭk kan, hao 8,1% rđil rơh aơ năm e ndrel 34,3% mpeh tơm prăk đăng ký. Nau hun hao mpeh rnoh geh ndrle tơm prăk đăng ký ndâk mhe ân saơ nau nsôih ndrel nuih n’hâm ndâk kan bah nsum mpôl ntŭk pah kan./.

Nŭih rblang: H’Thi