VOV4.M'nông: Ơh nău ôp lha báo Izvestia nar ntri (9/8), Đại sứ Nga ta Đức Sergei Nechaev mbơh, nău ƀư trong n'hoch dak ŭnh N'hong hoch phương Bắc 2 dôl ta rơh n'glĕ dŭt n'hanh nchrăp mbra dơi ƀư lôch jêh tâm bar pe pơh tay đŏng. Wa Sergei Nechaev nkre njrăng đă, trong nchrăp dja dôl hôm dơi ƀư ngăch n'hanh tâm ton đah Đức n'hanh Mỹ mbra mô khuch tât rnoh ngăch ƀư tâm ban kơt năm jŏ ƀư lôch jêh. Nar 21/7 mhe aơ, lôch âk năm tâm rlăch, Đức n'hanh Mỹ kêng dŭt hŏ dơi geh tâm ton tâm nău nkra bah tâm rkeh mpeh trong n'hoch phương Bắc 2. Tĭng nê, Đức n'hanh Mỹ tâm ban ŭch ntop kơl njong tay nău tâm ton n'hoch dak ŭnh rlău neh dak Ukraina, tĭng  trong nchrăp lĕ nar ton tâm năm 2024, ntoch jong tay hôm 10 năm đŏng n'hanh Mỹ mbra mô nchâp đă tay ăp trong rmal đah trong n'hoch dak ŭnh phương Bắc 2./.

Nuĭh rblang: Điểu Thân