VOV4.Mnông –  Nău mhe nŭng nar 11/5 bah N’gâng kan dak si an gĭt geh tay 18 nuĭh ntưp Covid-19, tâm nĕ geh 2 nuĭh lăp sĭt lĕ nkhâl dâl, 16 nuĭh kơp dơn tâm dak lah ăp nuĭh tâm nkual nkhah êng, nkual dơi nchoeng n’gang. 2 nuĭh dơi nkhah dâl jêh lăp sĭt ta Đồng Nai. 16 nuĭh ntưp kơp dơn tâm dak, tâm nĕ geh 10 nuĭh ta Bắc Giang, 2 nuĭh ta Hà Nội, 2 nuĭh ta Quảng Trị, 1 hê ta Bắc Ninh n’hanh 1 hê ta Hải Phòng. Kơp tât 12h nar 11/5, Việt Nam geh dĭng lĕ 2.071 nuĭh kơp dơn tâm dak n’hanh 1.436 nuĭh lăp sĭt. Rnoh nuĭh ntưp mhe kơp bah nar 27/4 tât aƀaơ; 501 nuĭh. Kruanh n’gâng kan dak si Nguyễn Thanh Long mbơh, tâm rnôk srê Covid-19 aƀaơ, an uănh năl mham lah ngoay tâm âk nău kan khlay, ndăn ƀư. Kruanh n’gâng kan an gĭt, he tâm nu nău mbơh lor hô ngăn yor geh n’hanh dơi ntưp bah kaman têh dăng.

Nuĭh rblang: Y Sưng Phê Ja