VOV4.M’nông: Đah nau nchrăp ăo, yor ri bol ma lah nkuăl geh ntŭk nkhah ngai, nau săch kan tâm ăp n’gor tâm Tây Nguyên hôm geh tâm nau khuh n’gôr rgum rƀŭn têh. Jêh rnôk tâm ăp ntŭk nkah êng Covid-19, ntŭk nkah âng yoor srê ji, cử tri hôm nsôih ƀư nau kan ndrel nau dơi bah ƀon lan. Cử tri Nguyễn Ngọc Liên, tâm ntŭk bu nkhah êng srê Covid-19 Phường Tân Thành, nkuăl ƀon têh Buôn Ma Thuột, nkoch:

 “Bol ma tâm ntŭk bu nkhah êng, yơn phung hên hôm nsôih ơm, dơi geh hăn ƀư nau kan bah nơm, nau têh bah nơm. Phung hên kŏ mĭn gay ma săch luh ăp nŭih geh tŏng nau dơi, nau kan bah nơm”.

Cử tri nkuăl Lac Dương hăn nklăch phiếu.

Kơp tât 11h lơ 23/5, nau săch kan tâm nkuăl Tây Nguyên hŏ geh ăp nau dơi ueh, nơih. Âk n’gor bah nkuăl hŏ kơp dơn geh rnoh cử tri hăn săch âk ngăn, kơt lah Lâm Đồng, geh 5/12 nkuăl, nkuăl ƀon têh geh rlau 80% cử tri hăn săch. Cát Tiên, nkuăl jru, ngai ngăn geh rlau 90%. Tâm nkuăl Lăk, Cư Kuin, geh rlau 100% cử tri hăn săch./.

Nŭih rblang: H’Thi