VOV4.M’nông: Pôih tahen lah ngih, n’har bri lah [on tơm, tết ta pôh tahen Lệ Thanh bol ma geh [ư ơm lơn n’gul khlay, yơn ko\ geh to\ng ăp ndoh ndơ, nau ueh kơt vay ơm, kơt bánh chưng, play do, kao đào, kao mai. Ăp tahen đah mpang ty den chai yơn ko\ blau ngăn, yor ri ma ăp klâm bánh chưng geh nklâm tâm  pôih tahen kơt lah ueh nâp ngăn. Mông ngêt sa nar têt ta aơ geh tay nau ueh uănh, ueh măt bah ăp ntil byăp kloh, geh tăm bah ăp nu\ih tahen gơih lă kan. Đại uý Nguyễn Văn Quang, Chính trị viên Pôih tahen n’har bri lam ntur neh Lệ Thanh, ngơi:

             ‘ Ntu\k kan bah phung hên geh ăp tahen mom, năm bôk năp sa tết tâm ntu\k kan. Nchrăp nau kan gay geh ân ăp đồng chí bah oi nau nkah gi\t tât ngih, ndrel đah ntu\k kan mât nau đăp mpăn rnă njrăng nkuăl n’har bri bah neh dak, mât rnă njrăng chính trị, đăp mpăn rêh jêng [on kan tâm nkuăl ri Đảng uỷ, N’gâng kan tahen nchrăp ăp mpeh ndơ ngêt sa, ka puăch, bánh chưng n’hanh ndơ ngêt sa gay đăp mpăn ân cán bộ ta hen tâm ăp nar tết”.

            Rhơn năm mhe yơn mô chuêl nau kan. Ăp nau kan mât njrăng n’hả bri hôm geh Đồn biên phòng lam ntur neh Lệ Thanh [ư [a [ơ, mro mrăng 100% rnoh nuư\ih bah ntu\k kan mro kâp chăm n’hanh [ư âk nau kan geh jao. Nau kan mêt uănh, kơp uănh nu\ih, ndeh klư, ndoh ndơ luh lăp tâm nkuăl n’har bei geh [ư ueh, gay rgop nau mât njrăng nâp trong n’har, n’gâng n’har tâm nkuăl ntu\k kan nơm mât. Đồn ko\ tâm rgop ngăn đah ăp rmôt kan n’gâng kan [ư nau nau rnă njrăng tâm ba năp, tâm n’hanh ba kơi tết năm mhe Đinh Dậu 2017. Hăn kâp uănh trong n’har, Thượng tá Đào Quang Tài, Kruanh Rmôt mât uănh hành chính, Đồn Biên phòng mpông đah dak ba dih Lệ Thanh, ngơi:

             ‘Phung hên nchrăp nau kan hăn mêt n’ôi, nkân uănh tâm trong n’har brei lah nau kan [a [ơ bah rmôt kan tahen. Bah nau kan hăn êt uănh, nkân uănh, phung hên năn rdâng n’hanh ntru\t jăng lơi nau kan lret trong n’har bri, nchuăn rdeng si, tăch rgâl ntu\ng rlăm. Bah nê, phung hên mât trong n’har bri, n’gâng n’har, rgop nau mât đăp mpăn rnă njrăng chính trị tâm nkuăl n’har bri bah neh dak. Di rơh tết Đinh Dậu 2017, gâp rhơn tât ăp rnoi mpôl lam dak geh du năm sa tết ueh, m’ak, đăp mpăn êp băl mpôl. Rhơn ăp đồng chí tâm rmôt tahen ntu\k kan mro [ư ueh nau kan, [ư ueh nau kan geh jao”.

            Ndrel đah nau kan mât rnă njrăng, đăp mpăn nau rêh jêng đah cán bộ, tahen Biên phòng hôm geh âk nu\ih [on lan tâm nkuăl n’har bri. Di\ng le\ 12 thôn bah xã n’har bri Ia Dom ko\ ndâk rmôt mât njrăng êng, gưl xã ri geh rmôt mât njrăng bah dân quân tự vệ, ndrel râng đah tahen hăn mêt uănh, mât rnă njrăng đăp mpăn tâm rơh tết. Ndrel hăn ta trong n’har đah ăp tahen biên phòng, nô Trương Thanh Hùng, Tiểu đội trưởng rnâng kan mât dân quân tự vệ xã Ia Dom, nkuăl Đức Cơ, ngơi:

             ‘Dân quân tự vệ phung hên [ư nau rđau đă bah n’gâng kan ba lơ, [a [ơ râng ăp nau kan hăn mêt uănh nkuăl n’har bri, uănh tâm nkuăl, nkân uanưh tâm ntu\k gay năn rdâng ăp nau tât, nau ntu\ng, tâm lơh n’hanh hăn uănh tâm trong n’har gay rdâng nau rlet n’har tih dôih. Tâm rơh tết aơ, phung hên ho\ nchrăp nau mra [ư nau kan yor n’gâng kan ba lơ đă”.

            Đồn tahen mpông đah dak ba dih Lệ Thanh gu\ tâm xã Ia  Dom, nkuăl Đức Cơ n’gor Gia Lai, lah ntu\k kan tăch rgâl khlay yor ri ma ăp phung tih dôih ko\ pah kan âk. Yor ri, ko\ kơt âk tơ\ tết êng, Tết Đinh Dậu năm 2017 aơ, êp piăng sông bah tahen, mro lah n’gâr phao, nu\ih tahen biên phòng nkre rhơn tết, nkre djăt nau tât ndal, mra hăn kan ndal. Thượng tá Lê Thuần Chất, Bí thư Đảng uỷ, Chính trị viên Đồn Biên phòng mpông đah dak ba dih Lệ Thanh, ngơi;

             ‘Đah nau kan chính trị têh jâk tâm rơh têt namư mhe ri Đảng uỷ, Rnâng kan rđau tahen ho\ [ư ueh nau kan nti\m nti chính trị, nau mi\n, ntru\nh ăp nau rđau đă bah n’gâng kan ba lơ gtâm nau mât tét ân ăp cán bộ, tạhen. Bah nê, n’hao nau mi\n, nau kan. Đah nau nsôih prêh lah rhơn năm mhe mô chuêl nau kan, mât đăp mpăn n’har bri, nkuăl nâp nâl, đăp mpăn ân [on lan tâm nkuăl vơt tết răm m’ak, ueh lăng, đăp mpăn”.

            Du năm mhe tay lo\ tât tâm nkuăl n’har bri Đức Cơ\. Nau o\ rgăng tâm nau [ư nau kan bah Đồn Biên phòng mpông đah  dak ba dih Lệ Thanh ho\ rgop nau khlay gay mât đăp mpăn, rnặ njrăng nau rêh jêng kon nu\ih tâm nkuăl. Bah nê, nu\ih [on lan tâm nkuăl đăp mpăn pah kan jan sa, hun hao tuch tăm, rgop njau pơk luh du nkuăl n’har bri nâp nâl./.

                                    Nu\ih rblang: H’Thi