VOV4.Mnông- Tât râng rơh rƀŭn nchră gâl têh têh khlăy kahgĭt 30 năm tâm nchră ASEAN-Trung Quốc tĭng trong trực tuyến, Thủ tướng Thái Lan Prayuth Chanocha lĕ dăn mbơh 3 nău kan an lor gay ma rdâk njêng nkual ăp nar lơ ma hun hao. Tal 1, ASAEN mbra dơi geh tâm nchră n’hanh kơt nti bâh ăp nău dơi geh bâh Trung Quốc tâm du đê̆ ntrong kan, nău kan kơt lah tuch tăm nâp nâl, geh nău pah kan jan sa, nkret njêng n’hanh n’hao nău khlăy an ăp ntil ndơ tuch tăm. Tal bar, ASEAN-Trung Quốc an geh rgum ta nău n’hao ndâk nsơm hun hao wăng sa rêh jêng bâh ta ntŭk kan ba dâng. Tal pe, Thủ tướng Thái Lan an lah, hun hao nâp nâl n’hanh ueh đah ntŭk gŭ rêh lah nău khlăy an hun hao rêh jêng bâh kon nuĭh. Thái Lan lah na nê̆ nău tâm ton geh nău kan khlăy tâm nău ntrôl tâm kơl kan ta ntrong kan aơ ta lĕ gâl kan tâm nkual n’hanh lam ntur neh.

 Nuĭh rblang: Thị Đoắt