VOV4.M’nông: Văn phòng Rnă njrăng dak si neh dak Thái Lan nar ntri (12/07) an gĭt rlău 2.500 nuĭh ji Covid-19 geh mpơl ji đêt mbra dơi n'glăp tâm săk an gŭ săm ji ta jay mô lah ta nkual an gŭ rgum êng ta n'gor, rgâl bah hôm ma kâp nsưng bĭch ji ta ăp nhih dak si. Ăp nuĭh  ji dja mbra dơn geh nău ntop kơl săm ăp nar bah ăp nuĭh kan dak si ta ntŭk tĭng trong pơk sŏng dăng. Tĭng Văn Phòng rnă njrăng dak si neh dak Thái Lan, du rêng săm 204 ntŭk rgum kan dak si kơp êng ta Bangkok mbra dơi ntop kơl săm tât 40.000 nuĭh ji Covid-19 đah ăp nău mpơl ji đêt tĭng bôk nău kan mhe nkoch bah lơ nê. Ăp nuĭh ji mpeh rmôt dja mbra kơl siăm pe tơ̆ sông ăp nar đŏng, dak si săm ji n'hanh ndơ ntrŭp dŏng tơm gay tĭng groi nđôi ngăch dăng n'hâm suan./.

Nuĭh rblang: Điểu Thân