VOV4.M'nông: Tĭng Thủ tướng Thái Lan Prayut Chan-ô-cha, nău tât râng bah Tổng thống Mỹ Joe Baiden ta rơh tâm nchră gưl têh ASEAN- Mỹ lah du nău mpơl kloh rvah mpeh nău tâm ton bah dak dja mpeh n'hao dăng tâm boh đah nkual Đông Nam Á. Thủ tướng Prayut mpơl nău Tổng thống Joe Biden râng ndrel đah ăp kruanh rđău kan ASEAN ta tâm nchră dja njuăl nău mpơl kloh mpeh nău ton bah Mỹ n'hao dăng tâm boh đah ASEAN nsing tâm rnoh tât kan nsum lah đăp mpăn n'hanh têh ndrŏng ta nkual. Wa Prayut hŏ dăn đă 3 trong kan tâm boh an ASEAN n'hanh Mỹ ma tĭng păng hŏ geh nsum 45 năm lịch sử tâm boh lam lĕ rngôch n'hanh geh nău tâm rgop. Dŭt jêh nău lah, Thủ tướng Prayut lah rjăp nău khlay bah nău ăp dak têh ndrŏng ndrel tâm boh gay njêng luh ntŭk gŭ rêh đăp mpăn ndrel nsĭt nău geh lôch bah nuh srê Covid-19.

Nuĭh rblang: Điểu Thân